बर्दियामा दश बर्षिया बालिका बलात्कृत

कमल बि.सी.

गुलरिया, साउन २१ गते । बर्दियामा दशबर्षिया बालिका बलात्कृत भएकी छन् ।

घरमा कोही नभएको मौका पारी जमुनी–१, फुटाहाका १८ बर्षिय विजय तामाङले जवरजस्ती करणी गरेको पीडित बालिकाले बताएकी छन् । पीडित बालिकाका अभिभावक घरमा आउना साथ बालिका चिच्याएपछि बलात्कार भएको खुल्न आएको हो । घटना लगत्तै स्थानीयले तामाङलाई नियन्त्रणमा लिई प्रहरीलाई बुझाएका छन् ।

थप अनुसन्धानका लागि पीडित बालिका र तामाङलाई ईलाका प्रहरी कार्यालय मैनापोखरमा राखिएको प्रहरीले जनाएको छ । पछिल्ला केही महिना यता बर्दियामा बलात्कारका घटनामा बृद्धि भएको छ ।