कैदी जेलबाहिर पनि बस्न पाउने

१० साउन, काठमाडौं ।

राम्रो आचरण भएका कैदीले जेलबाहिर गएर जागिर खान पाउने र परिवारसँगै जेलमा बस्न पाउने गरी खुला कारागार अवधारणा लागु हुने भएको छ ।

यो अवधारणा यसैबर्षदेखि लागु गर्न लागिएको हो । पाँचबर्षभन्दा लामो प्रयासपछि सरकारले यसवर्ष खुला कारागार निर्माणका लागि बजेट छुट्टयाएसँगै सरकारले सुध्रिएका कैदीलाई निगरानीमा राखेर स्वतन्त्रता दिन लागेको हो । बजेट आएसँगै ५÷६ महिनाभित्रै खुला कारागार सञ्चालनमा ल्याइने कारागार व्यबस्था विभागका महानिर्देशक शम्भु कोइरालाले बताए ।

तीनसयजना राख्न सकिने गरी सरकारले यसअघि नै खुला कारागार निर्माणको प्रक्रिया अघि बढाइसकेको छ । बाँकेको गहनापुर गाविसमा खुला कारागार निर्माणका लागि विभागले जग्गाको समेत व्यबस्था गरेको नयाँ पत्रिकाले लेखेको छ ।