चीनमा वृद्ध आश्रममा आगलागी एघारको मृत्यु
हर्बीन(चीन), साउन ११ गते । चीनको हेइलोङ्गजीआङ्ग प्रान्तमा अवस्थित एक बृद्ध आश्रममा लागेको आगलागीमा परी शुक्रबार बिहान ११ बजेसम्म एघार व्यक्तिको मृत्यु भएको स्थानीय अधिकारीहरूले जनाएका छन् ।
हेइलोङ्गजीआङ्ग प्रान्तको हाइलुन सहरमा लिआन्से सिनियर नर्सिङ्ग होम नामक एक वृद्ध आश्रममा स्थानीय समयअनुसार शुक्रबार बिहान १.१५ बजे सो आगलागी सुरु भएको जनाएको छ ।
सो आगलागीबाट ज्यान गुमाउने १० जना व्यक्तिको स्थानीय समयअनुसार अपरान्ह ११ बजेसम्ममा परिचय खुलेको बताइएको छ । ती व्यक्तिहरु ४६ देखि ८७ वर्षसम्मका रहेका समाचारमा उल्लेख छ ।
तीनसय इस्क्वायर मिटरमा बनेको उक्त वृद्ध आश्रममा सो आगलागीको समयमा ३२ जना व्यक्ति रहेको जनाइएको छ ।
सन् २००५ को अक्टोबरमा बनेको सो आश्रममा २८३ व्यक्ति बसोवास गर्दै आएको पनि समाचारमा उल्लेख छ । यस आगलागीको कारण पत्ता नलागेको र अनुसन्धानरत रहेको समाचारमा जनाइएको छ । रासस/सिन्ह्वा
